حوزہ نیوز ایجنسی کے مطابق، مجلس وحدت مسلمین پاکستان کے سربراہ سینیٹر علامہ راجہ ناصر عباس جعفری نے پاکستان میں تعینات عراق کے سفیر حامد عباس لفتہ سے ملاقات کی۔ جس میں زائرین کو ویزہ کے اجراء میں درپیش مشکلات، غیر ضروری تاخیر اور دیگر مسائل پر بات چیت کی گئی۔
رپورٹ کے مطابق عراقی سفیر نے یقین دہانی کراتے ہوئے کہا کہ ویزوں کے بلا تاخیر اجراء کو یقینی بناتے ہوئے حائل مشکلات کا فوری ازالہ کیا جائے گا۔
قابل ذکر ہے کہ مجلس وحدت مسلمین پاکستان کے سربراہ کی معزز سفیر سے ملاقات کے دوران عالمی صورتحال اور باہمی دلچسپی کے امور پر بھی تفصیلی تبادلہ خیال ہوا۔
